Mae'r Cynllun Ailddechrau wedi ei gomisiynu gan yr Adran Gwaith a Phensiynau a bydd y cynllun yn rhoi cymorth teilwredig, arbennig i unrhyw un sy'n hawlio Credyd Cynhwysol yn yr IWSR* sydd wedi bod heb waith am o leiaf 12 mis hyd at 18 mis i ddod o hyd i waith. Dewiswyd SERCO i gynnal y cynllun yng Nghymru ac mae Môn CF yn un o'r darparwyr sydd wedi ei ddewis gan SERCO i gynorthwyo wrth gynnal y gwasanaethau.
Rydym yn darparu cefnogaeth teilwredig i unigolion ar Ynys Môn yn yr ISWR sydd wedi bod yn hawlio Credyd Cynhwysol am o leiaf 12 mis hyd at 18 mis.
Rydym yn benderfynol o ddeall eich amgylchiadau personol, bwriadau a'ch dyheadau i'ch helpu chi i ymddatod unrhyw rwystrau a symud ymlaen wrth ffeindio swyddi diogel a chynaliadwy.
Gall ein tîm arbenigol eich helpu yn y ffyrdd canlynol:
-
Darparu cefnogaeth 1:1 ymroddedig gan ein mentoriaid cyflogaeth
-
Mynychu hyfforddiant a chymwysterau
-
Cynghori ar ddyled a materion rheoli arian
-
Cynyddu hyder a sgiliau
-
Paratoi CVs a thechnegau cyfweliad
-
Cefnogi cyflyrau iechyd meddwl a chorfforol
-
Gwella canlyniadau chwilio am waith
-
Ffeindio a sicrhau cyflogaeth cynaliadwy
-
Rydym hefyd yn benderfynol o ddarparu cefnogaeth barhaol i chi a'ch cyflogwr drwy amrediad o gyfleoedd uwchsgilio a datblygiad.
I ddarganfod mwy am y Cynllun Ailddechrau, siaradwch gyda'ch hyfforddwr gwaith yn y Ganolfan Byd Gwaith.
