Cymorth sy’n helpu creu gwell dyfodol i chi. Mae angen addasu’n gyson i'r byd gwaith fel y mae hi heddiw. Mae ein cymorth wedi’i deilwrio’n bwrpasol at eich gofynion unigryw chi gyda phwyslais ar roi sgiliau i chi er mwyn eich galluogi i lwyddo yn y dyfodol. Cymerwn ystyriaeth o’r angen am gyd bwysedd rhwng gwaith a bywyd gartref a bydd ein cymorth yn hyblyg er mwyn cyd-fynd â’ch patrwm bywyd chi.  Mae’r cymorth ar gael i rywun sydd mwn gwaith neu’n ddi-waith.

Rydym yn rhoi cymorth cyson i'r rhai sydd am weithio ond sydd heb fod mewn gwaith ers beth amser. Gall hyn gynnwys pobl sydd wedi ymddeol yn gynnar, gofalwyr, pobl sydd yn derbyn addysg, neu rhai sydd wedi dioddef salwch. Os ydych allan o waith ac angen help i fynd i waith, rydym yma ar eich cyfer.

Ydych newydd adael swydd neu wedi cael eich diswyddo? Ydych chi angen help ar frys i gael swydd?  Rydym yma i'ch helpu! Gall ein tîm eich cynorthwyo i gael swydd yn eich ardal neu’ch helpu i symud ymlaen hefo’r cam nesaf yn eich gyrfa.  Dewch atom i gael yr adnoddau y byddwch eu hangen, gan gynnwys help hefo ffurflenni cais, cyrsiau hyfforddiant, neu beth bynnag fyddwch eu hangen ar gyfer eich cam nesaf. Mae Môn CF yma i helpu!    

Cewch gyfle i wneud amrywiaeth o gyrsiau gan gynnwys sgiliau sylfaenol, sgiliau bywyd a datblygu gyrfa. Mae ein cyrsiau wedi eu cynllunio i fod yn ddigon hyblyg i gyd fynd â’ch anghenion personol chi. Bydd ein cyrsiau yn rai achrededig gan gynnwys rhai ar gyfer y diwydiant diogelwch a gyrru peiriant fork-lift.

 Ein nod yw gwella lefel sgiliau’r gweithlu yn yr ardal leol er mwyn sicrhau fod pobl Môn yn gallu llwyddo a ffynnu ym myd gwaith. Drwy gyfrwng gweithdai cymunedol a sesiynau hyfforddiant byddwn yn gallu sicrhau fod unigolion yn meddu ar y sgiliau angenrheidiol hynny mae cyflogwyr eu hangen.  Mae ein cysylltiadau hefo cyflogwyr lleol yn gryf gyda’r bwriad o ddod i ddeall beth yw eu hanghenion hwy a drwy eich helpu chi sicrhau fod ein cymuned yn un cryf a ffyniannus.