Datganiad polisi

Os ydych chi'n anfodlon ag unrhyw agwedd ar wasanaeth Môn CF, codwch eich pryderon ar unwaith. Dyma'r unig ddull o gwyno'n swyddogol a rhaid i'r person sy'n gwneud y gŵyn ei chwblhau.

Ni all Môn CF ddelio â chwynion gan deulu, partner na chydnabod cleient oni bai bod y cleient o dan 18 oed.

Gweithdrefn cwyno

Mae 3 cham yn y weithdrefn gwyno, a rhaid cwblhau pob cam yn llawn cyn symud ymlaen i'r un nesaf. Fe'ch cynghorir i gadw copïau o'r holl ddogfennau a ddefnyddir yn y weithdrefn gwyno.

Cam 1 ("atebion ar y fan a'r lle")

Os ydych chi'n gleient presennol, yna mae'n rhaid i chi gysylltu â'r person sy'n delio â chi ar hyn o bryd o fewn Môn CF yn gyntaf, byddant yn sicrhau bod eich pryderon yn cael eu trin yn deg ac yn gyflym. Dylech godi eich pryderon o fewn 7 diwrnod i'r mater dan sylw. Byddant yn ymchwilio'n llawn i'ch pryderon ac yn mynd i'r afael â nhw yn unol â hynny. Os yw eich cwyn yn ymwneud â'r aelod staff hwnnw ac na fyddai'n briodol trafod y mater gydag ef/hi, gallwch ddechrau gyda Cham 2.

Cam 2

Os nad ydych yn fodlon â chanlyniad cam 1, neu os nad ydych yn gleient, cysylltwch â'n Rheolwr AD, ar 01407 762004 neu e-bostiwch HR@moncf.co.uk lle bydd eich pryderon yn cael eu hymchwilio. Anfonir ymateb atoch o fewn 7 diwrnod gwaith.

Cam 3

Os nad ydych yn fodlon â chanlyniad Cam 2, bydd angen i chi fanylu ar eich cwyn mewn llythyr neu e-bost a'i hanfon at y Rheolwr SHEQ yn SHEQ@moncf.co.uk

Mae'n debygol y gofynnir i chi ar y cam hwn gadarnhau unrhyw gwynion neu honiadau gyda thystiolaeth ffeithiol ysgrifenedig a/neu ddatganiadau wedi'u llofnodi gan dystion. Bydd hyn o gymorth i ddod i gasgliad cyflym i'r gŵyn. Anfonir ymateb i'ch apêl atoch o fewn 28 diwrnod.